Bharat kisi ko chedta nahin hai aur Bharat ko kisi ne cheda to wo chodta bhi nahi hai: PM Modi

PM Modi in Dhule: Aaj main aap sabhi ke beech mein aaya hu jab Pulwama mein hamare jawano par aatankwadiyon ke hamle ko lekar desh akroshit hai. Ek taraf desh gusse mein hai, to dusri taraf har aankh nam hai. Maharashtra ki mitti ne bhi saputon ko khoya hai. Jinhone apna sarvaswa nyochavad kar diya, unke parivar ke saath ham hamesha khade rahein. Ye sanyam ka, samvedanshilta ka, shok ka samay hai, lekin har parivar ko main ye bharosa deta hu, aapke aankhon mein jo aansun hain, un aansuon ka pura pura jawab liya jaayega. Bharat ki ye niti rahi hai ki ham kisi ko chedte nahin hai, lekin main fir saaf kar dun ki naye Bharat ko kisi ne cheda to wo chodta bhi nahi hai. Ye hamare surakshabalon ne pehle bhi kar dikhaya hai aur ab bhi koi kasar chodi nahi jaayegi.
Social Media Auto Publish Powered By : XYZScripts.com